Hurtigbåten «MS Bre» skal operere i to viktige roller for Brim Explorer og Norled i Bodø
Den nye hybrid-elektriske karbonfiberbåten skal brukast både som sightseeingbåt og som reservefartøy på sambandet Bodø-Væran og Bodø-Gildeskål
– Å balansere komfort og utsikt for passasjerane på sightseeing, samtidig som fartøyet oppfyller høg fart og effektivitet i hurtigbåtsamband, har stilt store krav til design og ingeniørkompetanse.
Det seier, Tor Øyvin Aa, dagleg leiar i Brødrene Aa.
Testa kompetanse og kreativitet
Aa fortel at det har vore utfordrande å bygge eit fartøy som skal operere i to vidt forskjellige roller.
– Gjennom tett samarbeid med kundane, Brim Explorer og Norled, samt Sjøfartsdirektoratet og klasseselskapet Bureau Veritas, har vi klart å finne løysingar som oppfyller alle krav. Dette prosjektet har verkeleg testa vår kompetanse og kreativitet, men resultatet viser kva vi er i stand til å oppnå gjennom samarbeid og høg teknisk ekspertise.
I tillegg til å vere sightseeingbåt er «MS Bre» reservebåt for Norled i rutene til Gildeskål og Væran.
«MS Bre» sin dobbeltfunksjon vil vere berekraftig både kva gjeld økonomi og miljø. Foto: Brødrene Aa/Romvesen.
Skreddarsydd fartøy
MS Bre er designa som eit moderne og universelt utforma fartøy med god passasjerkomfort og panoramavindauge for optimal utsikt under sightseeng-operasjonar.
– Samtidig har fartøyet praktiske løsninger som kran og lasterom for å kunne frakte både gods og passasjerer i hurtigbåtrutene ut fra Bodø, forklarer Aa.
– Skroget er utvikla av Wave Propulsion. Undervannslinjene er dei same som på tidlegare Brim-båtar, men her er skroget tilpassa tøffare sjøforhold med nytt baug-design og høgare fribordshøgde.
Fartøyet har batterikapasitet på 1,1MWh og 2x1000kW elektriske motorar fra Brim Tech. I tillegg er det installert rekkeviddeforlengere av typen Scania DI16.
Brim Tech- elektromotorar
Dei elektriske framdriftsmotorane i «MS Bre» er utvikla av dotterselskapet til Brim Explorer; Brim Tech. Selskapet skildrar teknologien som banebrytande i effektivitet og vekt, to essensielle parameter for å oppnå elektrifisering av hurtigbåtar.
– Elektromotorane gir 1000 kw direkte kopla til probellakslingane utan gir. Det gir lågare vekt, høgare fart og lengre rekkevidde enn samanliknbare løysingar. I tillegg er motorløysinga tilnærma vedlikehaldsfri, noko som gir vesentleg rimelegare drift, uttalar Espen Larsen-Hakkebo, teknisk sjef i Brim Explorer til Skipsrevyen.
“MS Bre” er det femte og teknologisk mest avanserte fartøyet til Brim Explorer. Skipet har heimehavn i Bodø, der det blei døypt av Halfdan Sivertsen 17.august.
Tekniske fakta om «MS Bre»
Passasjerkapasitet: 130 pax
Lengde i vannlinje: 23,9 m
Toppfart: 30 knop
Sertifisert som hurtigbåt etter HSC koden med Klasse fra Beurau Veritas.
Innovativt elektrisk framdriftssystem med elektrisk high-torque motor fra Brim-tech.
Batterikapasitet: 1,1MWh
Elektrisk Integrator: Haf Power Solutions AS
Skrogdesign er utviklet av Wave Propulsion
