Brødrene Aa melder oppbod

Styret i Brødrene Aa AS har i dag vedteke å melde oppbod. Bakgrunnen er alvorlege økonomiske utfordringar etter at Norled kansellerte kontrakten på tre hurtigbåtar som var under bygging ved verftet i Hyen. Selskapet har gjennom dei siste månadene arbeidd intensivt med å finne ei løysing for vidare drift. Trass i omfattande dialog mellom partane har det ikkje lukkast å kome fram til ei berekraftig løysing, og selskapet står no utan evne til å handtere situasjonen vidare.

Melding om oppbod vert sendt til Fjordane tingrett. Retten vil no behandle saka og oppnemne bustyrar som tek over forvaltninga av selskapet. Styret beklagar dette djupt overfor dei tilsette, kundane og leverandørane våre.